عالم الايفون
مجموعة من الهاكر الصينيين يطلقون على انفسهم اسم Pangu قامو باصدار جيلبريك iOS 7.1.1 للايفون و الايباد. اداة الجيلبريك الغير مقيد ل iOS 7.1.1 على جميع الاجهزة وهنا فيديو يثبت الجيلبريك على ايفون 5S و ايباد Air.
العديد من المستخدمين على تويتر وانا ايضا قمت بتجربة اداة الجيلبريك على الايباد ميني ios 7.1.1 و السيديا يعمل بشكل رائع بدون اي مشاكل.
طريقة عمل جيلبريك iOS 7.1.1 باستخدام Pangu
- حمل اداة الجيلبريك من موقع Pangu على الكمبيوتر [اذا ماحمل معاك الموقع اضغط هنا]
- من جهازك الايفون او الايباد ادخل على الاعدادات > عام > الوقت و التاريخ والغي تفعيل تلقائي وغير التاريخ خليه June 2, 2014
- الحين افتح اداة الجيلبريك من الكميبوتر ووصل جهازك الايفون او الايباد اول شي شيل علامة الصح الي موجودة مثل الصورة تحت واضغط على هذي الكلمة الصينية بالاداة عشان يبدا, اذا بدا عملية الجيلبريك افتح جهازك الايفون او الايباد ورايح تحصل ايقونة البرنامج الصيني هذا بالشاشة الرئيسية اضغط عليها بتطلع لك رسالة اضغط على متابعة وخليه يكمل لاتفصل جهازك ولاتقفل شي لين يخلص ويعمل اعادة تشغيل للايفون او الايباد. بعد مايشتغل افتح شاشة القفل وخليه شوي رايح يكمل تحمل وبعدها بثواني رايح يعمل اعادة تشغيل اقين.
- بعد مايشتغل الف مبروك الان تم عملية الجيلبريك ورايح تحصل السيديا عالشاشة الرئيسية.
الان بعد ماعملت جيلبريك شاهد ماهي الادوات المتوافقة مع iOS 7.1.1 في السيديا وايضا شاهد اهم ادوات السيديا والسورسات بعد الجيلبريك.
ملاحظة: بعد ماتخلص رجع الوقت تلقائي عادي, ولازم يكون عندك الايتونز النسخة الاخيرة في الكمبيوتر. الجيلبريك يعمل بدون اي مشاكل جميع الادوات شغاله. والي يقولك غير كذا ماعليك منه تمت التجربة ويعمل 100%.
ليست هناك تعليقات:
إرسال تعليق